еТвининг е професионална мрежа на наставници и училишни практичари, иницирана од Европската комисија, со цел да иницира соработка меѓу наставниците и училиштата низ ЕУ, низ која ќе развијат проекти и ќе соработуваат со колегите, користејќи ИКТ (информатички и комуникациски технологии).

еТвининг започна како дел од LLP, а од 2007 година е дел од Еразмус+ програмата на ЕУ.

Во 2021 година, еТвининг заедницата достигна над еден милион регистрирани членови.

Во 2022 година, платформата се спои со SEG (School Education Gateway) во нова Европска училишна платформа за образование.

Главните придобивки на платформата се:

• Наставниците можат да организираат и спроведуваат активности онлајн со своите ученици и заедно со колегите од други земји.
• Учат еден од друг, споделуваат добри практики и развививаат проекти.
• Се усовршуваат преку вебинари, кратки и долги онлајн курсеви (вклучувајќи MOOC), материјали за самонастава, конференции и други можности за професионален развој на лице место, се среќаваат со експерти во многу области и ги подобруваат своите вештини.
• Учествуваат во сесии од видео-конференции поддржани со форуми и архиви на датотеки.
• Учествуваат во еТвининг групи – виртуелни места каде што еТвинерите се среќаваат и разговараат за конкретни предмети, теми и области од интерес.
• Споделуваат идеи, планираат проекти, изработуваат материјали и учат заедно, на тематски кампањи што се иницираат двапати годишно.

Платформата ја одржува Европската комисија и таа е безбедно место за соработка и споделување.

Споена со SEG, новата Европска училишна платформа за образование нуди уште повеќе можности за соработка, учење од колеги и професионален развој на тематски ресурси, ажурирања, наставни материјали, публикации итн.